ՀԴԲ-ի դասերը. ինչպես կռահել, որ Ձեզ խաբում են

Մեզանից շատերն ամեն օր բախվում են այնպիսի իրավիճակների, երբ պարզ չէ, թե մարդը ճշմարտությունն է ասում, հորինում է, թե բացահայտ ստում։ Ինչպե՞ս դա հասկանալ։

Այդ հարցում կօգնի միայն մասնագետը, այդ պատճառով էլ forbes.ru-ն դիմել է Հետաքննությունների դաշնային բյուրոյի նախկին աշխատակից, 25 տարվա փորձ ունեցող Ջո Նավարոյին։ Վերջինս «Ես տեսնում եմ, թե ինչի մասին եք Դուք մտածում» համաշխարհային բեսթսելերի հեղինակն է։

Չկա վարքագծի ոչ մի կոնկրետ օրինակ, որը վկայում է, որ ստում են, օրինակ` «վազող» աչքերը միշտ չէ, որ ստի նախանշան են։ Կա վարքագիծ, որը վկայում է հոգեբանական անհանգստության մասին, հուզմունքի կամ սթրեսի նշան է, սակայն այն կարող է ի հայտ գալ որոշակի իրավիճակում (ցուցմունքներ տալիս), զրուցակցի կամ չափազանց շատ հարցերի պատճառով։ Սակայն դա երբեմն զգուշացնում է այն մասին, որ մարդը ստում է։

Ահա վարքագծի 6 հիմնական մոդել, որոնք հուշում են զրուցակցի անհանգստության մասին և պետք է ստիպեն Ձեզ զգուշանալ։

Սեղմված շրթունքները նշանակում են, որ մարդը բացասական հույզեր ունի։ Դա շատ հաճախ երևում է, երբ մարդիկ ցուցմունքներ են տալիս։	Բուռն վիճել. Դուք հարց եք տալիս, իսկ մարդը բուռն քննարկման է անցնում արդեն հարցի ընթացքում կամ պատասխանելիս։
Երբ մենք դիպչում ենք պարանոցին, դա նշանակում է, որ մենք կամ անհանգստանում ենք կամ նյարդայնանում, կամ էլ վախենում։ Տղամարդիկ քողարկում են այդ ժեստը՝ դիպչելով փողկապին։	Շրջվել ամբողջ մարմնով. մարդիկ իրենց այդպես են պահում, երբ դժվարանում են խոսել որևէ բանի մասին կամ երբ թեման վիճելի է։
Դիպչել աչքերին. հաճախ մենք դիպչում ենք աչքերին, երբ մեզ հարց են տալիս կամ երբ մեզ անհանգստացնում է որևէ բան։ Այդ գործողությունը հստակ փոխանցում է, որ հարցը բարդ է։	Իջեցնել կամ թաքցնել ձեռքերի մեծ մատները։ Այդ ժեստը սովորաբար ոչ ոք չի նկատում։ Սակայն հենց դա է ավելի հստակ փոխանցում անհանգստությունը։

Հարցեր, պատասխաններ, մեկնաբանություններ